Námskeið um rafhlaupahjól og vespur

Það hefur varla farið framhjá neinum að notkun unglinga á vélknúnum ökutækjum hefur snaraukist á síðustu misserum. Rafhlaupahjól og vespur (létt bifhjól í flokki 1) eru orðin býsna algeng sjón. Eins og gefur að skilja eru notendur þeirra ekki alltaf vel að

sér í umferðarreglum, enda er ekki krafist ökuréttinda á þessi tæki.

Til að bjóða fræðslu um notkun þessara ökutækja útbjuggum við Frímann Baldursson, ökukennari (www.bprof.is), stutt námskeið til að fara með í skóla, og bjóðum það nú til allra grunnskóla í Árnessýslu.

Um er að ræða 30-40 mínútna námskeið þar sem farið er yfir helstu reglur sem gilda um þau vélknúnu farartæki sem unglingar mega nota, auk þess sem fjallað er um örugga notkun þeirra og hvernig minnka megi líkur á óhöppum og slysum.

Til að bóka slíkt námskeið er hægt að hafa samband á okutimar@gmail.com eða frimann@bprof.is.

Hér er umfjöllun frá heimsókn í Vallaskóla, í september 2020: https://www.vallaskoli.is/okutaeki-unga-folksins-fraedsla-a-unglingastigi/